Qurban Qurbanov: «Sadə olmasa, «Qarabağ»dan gedəcək»

Azərbaycan Premyer Liqanın 24-cü turunda bu gün “Zirə”ni qəbul edən “Qarabağ” 2:0 hesabı ilə qalib gəlib.

Qol.az-ın məlumatına görə,  oyunundan sonra meydan sahiblərinin baş məşqçisi Qurban Qurbanov  jurnalistlərin suallarını cavablandırıb

— Mahir Mədətov ardıcıl iki oyunda qol vurdu. Qol sevincini jestlə qeyd etdi. Mahirin «ulduz xəstəliyi”nə tutulacağından qorxmursunuz?

— Mahir o cəhətlərə malik futbolçudu. Lakin hər bir futbolçu öz oyununu oynamalıdı. Mahirin ən üstün cəhəti onun istəkli olmasıdı. Mahirin hərəkətini gördüm və reaksiya verdim.  Düşünürəm ki, nə qədər «Qarabağ”dadırsa sadə olacaq. Əgər belə olmasa, komandadan gedəcək.

— Epizodların birində azarkeşlə dialoqa girdiniz…

— Sizin gözünüzdən heç nə qaçmır. Azarkeşlər toxunulmazdır. Həmin zonada hər biri tanıdığımız azarkeşlər idi. Sadəcə, xoşagəlməz ifadədi. Mən buna yol verməməsini ona bildirdim.

— Əsgər Abdullayev «Neftçi”dən istefa verdi. Siz «Qarabağ”a bağlı şəxs kimi Abdullayevin istefasına münasibətinuz necədir?

— Heç bir klubun işinə qarışmaq fikrim yoxdur. «Neftçi”yə bağlı insanam. Heç bir məşqçiyə istefa arzulamıram. Amma, bu rəhbərliyin işidi. Yəqin onlar hər şeyin daha yaxşısını bilir.

— «Qalatasaray»la oyun olacağı barədə söz-söhbət var. Bu, komandaya nə dərəcədə kömək edə bilər?

— Bu barədə danışmaq istəmirəm. Futbolçuların fikrini «Qalatasaray»la oyunla yayındırmaq istəmirəm. Biz bu gün ancaq çempionata köklənməliyik. Belə variant var. Əsasən, Türk Hava Yolları bu oyunun keçirilməsini isəyir. Futbolçulara bu oyun barədə fikir bildirməyə qadağa qoymuşam. Ona görə də, hər hansı futbolçumuz bu oyun barədə fikir bildirməsə, onlardan inciməyin.

— Armenterosun yoxluğunun səbəbi nədi?

— Əvvəllər Qaranın oynamaması barədə çox sual verirdilər. İndi də Armenteros. Bu, normal haldı. Bu gün Mahir oynayır, sabah Armenteros oynaya bilər.

Добавить комментарий

Ваш e-mail не будет опубликован. Обязательные поля помечены *