“Qarabağ” – “Rot-Vays” oyununun başlama vaxtı dəqiqləşdi

Türkiyənin Antalya şəhərində təlim-məşq toplanışında olan “Qarabağ”ın Almaniya təmsilçisi “Rot-Vays”la yoxlama oyununun vaxtı dəqiqləşib. Apasport.az saytının məlumatına görə, yanvarın 16-da baş tutacaq qarşılaşma Bakı vaxtı ilə 20:30-da start götürəcək.

 

Ağdam klubunun Essen təmsilçisi ilə görüşü Bələkdə keçiriləcək. Almaniya çempionatının Regionalliqasının Qərb zonasında çıxış edən “Rot-Vays”la matç Qurban Qurbanovun yetirmələrinin Türkiyədə ilk sınağı olacaq.

 

Qeyd edək ki, “Qarabağ” həmin gün İranın “Traktorsazi” klubu ilə görüşməli olsa da, matç baş tutmayacaq. Essen təmsilçisi də məhz iranlıları əvəzləməlidi.

Добавить комментарий

Ваш e-mail не будет опубликован. Обязательные поля помечены *