Coşqun Diniyev: «Rahid Əmirquliyev gələndən sonra…»

Azərbaycan Premyer Liqasında 19-cu turunda «Qarabağ» səfərdə AZAL-a 0:1 hesabı ilə məğlub oldu. Ağdamlıların yarımmüdafiəçisi Coşqun Diniyev qarşılaşma ilə bağlı jurnalistlərin suallarını cavablandırıb:

— Məğlubiyyətin səbəbi nə idi?
— Bəhanələrin arxasına sığınmaq istəmirik. Açıq-aşkar görünür ki, hər iki komanda Premyer Liqada qələbə üçün oynayır. Həqiqətən də komandalar arasında səviyyə fərqi çox böyük deyil, hər bir komanda qalibiyyətini qoruyub, saxlaya bilər. Bu gün AZAL şanslarından istifadə etdi, biz isə əlimizə düşən imkanları dəyərləndirə bilmədik.
— Cavid Tağıyev əvəzlənəndən sonra «Qarabağ”ın oyun sxemində hansı dəyişikliklər oldu?
— Qabaqda Cavidi əvəz edən Armenteros və Muarem var idi. Əfranı isə əvəz edən Qara Qarayev ikinci toplar üçün meydana daxil oldu ki, mənimlə Riçard Almeyda daha çox qabağa tərəf oynayaq.
— Çoxları Armenterosun Muaremi əvəz edəcəyini gözləyirdi…
— Çalışdıq ki, qabaqda daha çox oyunçu ilə oynayaq. İstər-istəməz qabağa atılmalı idik. Ona görə də, belə bir taktika ilə oynadıq.
— Antalyadakı ağır yüklənmələr bu oyunda öz oyununuzu göstərə bilməməyinizə səbəb oldumu?
— Xeyr.
— «Qəbələ”nin məğlubiyyəti sizə rahatlıq gətirmişdi?
— Xeyr. Rahatlıqdan və yüklənmədən heç bir söhbət gedə bilməz. Hər iki komanda çalışıb-vuruşdu. Düşünürəm ki, real qol şanslarımızı çox oldu, amma yararlanmağı bacarmadıq.
— Qol epizodlarında elə bir təhlükəli zərbə və son nöqtə yox idi ki, yüz faizlik qol epizodu sayılsın. Bu fikirlə razısanmı?
— Qol olması üçün, əlbəttə, son nöqtəni qoymaq lazımdır. Muarem qapıçı ilə təkbətək çıxdığı epizoddan istifadə edə bilmədi. Armenterosun sonda ayağının çatmaması…
— Komandada hücumçu problemi var?
— Bunu mən deyə bilmərəm. Bu məsələni baş məşqiçi və ya kənardan izləyənlər deyə bilərlər. Düşünürəm ki, bunu sırf hücumçu ilə bağlamaq olmaz. Komanda hər bir oyunda uduza, eləcə də qalib gələ bilər. Sadəcə bu gün şanslarımızdan istifadə eləməyi bacarmadıq.
— Rahid Əmirquliyevin gəlişi ilə bağlı ən sıx oyunçular yarımmüdafiə xəttindədir. Bu sənin ehtiyyatda qalmağın üçün səbəb ola bilər?
— Əlbəttə, digər komandalara nisbətən, yarımmüdafiə xəttində «Qarabağ”da daha çox oyunçu gözə çarpır. Amma burada yüksək səviyyədə olan yarımmüdafiəçilərlə mübarizə aparıram. Hamısı bir-birindən üst səviyyədə olan futbolçulardır. Rahid Əmirquliyev gələndən sonra və gəlməmişdən əvvəl onların qazandıqlarını götürməyə… Çalışıram öz üzərimdə. Hər bir komanda da rəqabət var və həmişə olacaq.
Sport7.az

Добавить комментарий

Ваш e-mail не будет опубликован. Обязательные поля помечены *